HStAOrient5a: 33v

oldı. Baʿdehū arża hübūṭ ėdüb ʿilm‑i nücūmdan ḫaber vėrdi // Hermesden suʾāl ėtdiler: Aṣl‑i ḥikmet nedür? Ṭibāʿuka t‑tāmm dėdi // Miftāḥ‑i ḥikmet nedür dėdiler. Rūhānīyet‑i feylesūfdur ki kevkebi ile // muttaṣıl ve müdebbirdür dėdi. Ekābir‑i ḥükemādan ve müteqaddimīndendür. // Soqrāṭ şāgird‑i Boqrāṭdur. Eflāṭūn‑i ilāhī şāgird‑i Soqrāṭ ve muʿāṣır‑i // Dārābdur. Arisṭo şāgird‑i Eflāṭūndur. Belīnās şāgird‑i Arisṭo. Cālīnūs // şāgird‑i Belīnās. Baṭlimyūs şāgird‑i Cālīnūs. Buzurcmihr ḥekīm: // Mevlānā Luṭfī‑i maqtūl [raḥimehullāhu] Ḥāşiye‑i Meṭāliʿ içün olan ḥavāşīsinde // quvvet‑i naẓarīye ve ʿamelīye baḥs̱inde [!] rivāyet ėder ki kütüb‑i Arisṭo sābıqan // Mora vilāyetinde Atina ile müsemmā qaṣabanuñ kenīse‑i maʿrūfesinde // maḫzūn idi‑ki zamān‑i sābıqda qaṣaba‑i mezbūre müstaqarr‑i aʿyān‑i // ḥükemā ve maqarr‑i eşrāf‑i ʿuqalā idi. Mülūk‑i Yūnāndan bir melik‑i ṣāḥib‑ // ʿunvānuñ zīr‑i ḥükūmetinde idi. Meʾmūn bin Hārūn er‑Reşīd ki ʿaql // u firāsetde ferīd ve rüşd ü hidāyet ve fehm ü kiyāset ṣāḥibi idi // diledi‑ki ḥükemānuñ esrār‑i ʿulūmına vāqıf ve estār‑i muḫadderātın kāşif // ola. Kütüb‑i Arisṭoya rāġıb ve cümlesini melik‑i mezbūrdan ṭālib // oldı. Melik ḫilāf u ṭuġyān ėdüb Meʾmūn daḫı ġażbān // u perīşān olub cemʿ‑i ʿasākir‑i ẓafer‑nişān qılıcaq ḫaber‑i mehābet‑es̱er // melik‑i Yūnāna münʿakis olub bi‑ṭārīq ve rehābīn‑i şeyāṭīn